le houx et le gui

tro quat' jurs après l' nouvel an, Clara, qui éto l' pitite cousine à min père , née en 1905, faijo la tournée d'ses connaisances ..

ale avo fait ch' plein ach' marchand ambulant et li avo acaté du houx et du gui pour offrir à ché gins ...

Clara ale arrivo à pied en miyeu d après midi al' mason, d' ailleurs in l arconnaisso quand qu ale passo l' long del farniete, pasqu ale avo eune démarche qu in qualifiero asteure d' "chaloupée"

ouais comme diro l aute Clara ale barloquo toudis in marchand , et quand qu in li dijo d' pas porter tout c'qu ale trimballo , ale dijo " j a deux cabas , un dans chaque main, comme cha cha m équilibre"

quand qu ale arrivo, ale s' faijo pas prier pour s assire ...

ah Odette (m'mère) j' su flappie.....

ch' matin j éto partie ach' dispensaire pi après al' framacie mutualisse , j a à peine eu l' temps d' artourner al' mason pour minger un bout que j arparto à la cité 30 pour apporter le houx et le gui ..

là j a pas trainé savez , pi pour arvenir la cote ch'est tout in déchinte j a pu m' rapurer comme cha

ale sorto d un cabas le houx et le gui, et d' l aute pour mi, eune boutele d'jus d'raisin Challand...

ah yavo toudis quéquosse pour mi, eune boutele d' Challand, des dattes, des figues, et plus tard che sera un tchiot billet ou des paquets d' cigarettes ...

là min père i arrivo del pieche d' devant , et là in sinto qu intre eux deux i s appréciotent vraimint ....

Papa y éto toudis touché qu ale ramene le gui et le houx , signe de porte bonheur pour la maisonnée .........

le temps y a passé, mais j' garde toudis le souvenir d'eune personne bienveillante pour tous ceux qui l entouraient ....

preuve que , in a toudis plaiji à s'souvenir d' personnes au grand coeur .......