ch' bouillon du soir

mais commint qui fait minloute pour ché sujets , y a des coups ché en arlisant un artique que l idée am' vient , ch' coup chi chéto à tape
et là j' m a rappelé m' n enfance et l histoire du bouillon

ch' bouillon du midi y est bon, ché sur, avec des gros neules ed 'dins, té fais chlurps pour el boire tout in faijant attention ed' pas bruler t' lanque
t as dja fait attention en versant tes légueumes ed'dins enfin ché divin
aprés cha va ete l' boeuf ou l' poule avec ech riz et sauce blanque ou sauce tomate
deux tros bieres avec , et pi té peux aller t' caler dins tin fauteuil, té rouche comme eune pivoine mais té pu bon à rin sauf à t 'arposer, tin vinte i déguste tout cha

mais l' soir ch' bouillon y éto bon aussi, d abord i éto récauffé , et i avo cor pris un aute gout , et pi y avo l arme fatale, chele que té pouvo pas arfuser ed ' printe eune assiette d' soupe chéto l' vermicelle
t avos dro soit au véritape vermicelle, qu in auro dit des tchiots caveux , ou alors chéto les lettes que té t appliquo à réécrire tin nom sur l' bord ed l assiette , ou alors des zétoiles
pi pour mi ch' meilleux chéto l' fond del gamelle , du qui avo plus d' vermicelle que d' soupe oh vinguette cha ché bon, au fait c est c' que j ai mingé s'soir mes gins

in parle du bouillon mais in oublie de dire que dinche bouillon in metto aussi des oches a moelle et cha cheto l'meilleur! J'min souvin in devo marqué, a mon d'em mére el quel qui yavo eu el derniere fo eche l'oche a moelle ! sinon que dispute!

Et pis aute cosse ossi, quand j'arveno de l'école, et qui feso bien fro, in preno un bol ed viandox! Pour récoffer chés boyos

A m'mason du viandox in in mettot toudis dins l'assiette avec ch'bouillon, i n'a qui diront qu'cha cassot l'gout du bouillon mais j'avos ker cha

Et ch'viandox cha m'arrive core d'in faire un bol, i suffit d'in mette dins de l'iau bouillante et quand in est bien ing'lé y a rien d'tel pour récauffer

J'vas même vous dire i m'arriffe l'hiver d'em faire un bol d'vermicelle avec du viandox, l'bol y est au tros quart plein d'vermicelle, y a pas gramint d'iau, et du viandox par d'sus, ché l'genre d'repas simple que j'fais si j'sus tout seule à minger