m vieille maison (J.ceenaeme-S.Colliez)

M' vieille maison
Jean Ceenaeme – Simon Colliez

Dins nous cité tout près de l'fosse
J' sus v'nu au monte un jour d'avril
J'ai vécu là tout' eune vie d'gosse
Courant bien souvint su ch' terril
Quand j'étos tout in haut de l'butte
Ravisant au loin l'horizon
J'véyos dins l' fond comme eune cahute
Tiot lopin d'terre et m'vieille maison

Refrain:
M' vieille maison alle étot fin belle
Avec des fleurs su sin balcon
Pour mi i n'avot point d'parelle
Malgré les mêmes dins tout l'coron
M' vieille maison alle étot fin belle
Avec des fleurs su sin balcon
Pour mi i n'aura pus d'parelle
I est disparu min vieux coron

Dins ses murs y avot bien des rides
Des chtiotes lézardes et d' l'affaiss'mint
Mais dins l'temps chétot du solide
Et pas question d' déménag'mint
Ses tuiles toutes noires étotent induites
D' poussière vénue du terril
Malgré tout cha y avot pas d'fuites
Ch'tot pas un chef d'oeuve in péril

Refrain:
M' vieille maison alle étot fin belle
Avec des fleurs su sin balcon
Pour mi i n'avot point d'parelle
Malgré les mêmes dins tout l'coron
M' vieille maison alle étot fin belle
Avec des fleurs su sin balcon
Pour mi i n'aura pus d'parelle
I est disparu min vieux coron

In grandissant j'ai tout quitté
Les vieux aussi tout discrèt'mint
Te vla toute seule abandonnée
Dins l'coron vide sans lend'main
Mais quand j'arviens dins l' villache
Dins l' famile pour dire el bonjour
Té m'rappelles tant d'souv'nirs bénaches
Que pour t'arvire j'fais un détour

Refrain:
M' vieille maison alle étot fin belle
Avec des fleurs su sin balcon
Pour mi i n'avot point d'parelle
Malgré les mêmes dins tout l'coron
M' vieille maison alle étot fin belle
Avec des fleurs su sin balcon
Pour mi i n'aura pus d'parelle
I est disparu min vieux coron