Les jardinsdins sin lit , l' matin d' noel
par minloute le, 22/12/2005quand qu on s'réveillo, in savo pas pourquoi tout' d' suite mais y avo quéquosse d' pas normal , bin ouais mazette, ché l' matin d' noel !
oh y a pas fallu grand cosse pour nous réveiller, un radiateur dont l io ale a fait glouglou, un bruit d' pas dehors , ou quéqu in qui tousse, ou l' crissement d' bottines sul' neiche, les vrais noels ceux du que la neiche ale arcouffe ché terrils, et qu in s'croro dins ché montanes
in guette, in a les oreles en choux fleur près à guetter l' déchinte des parints ouais pasqu on a été prev'nu l' veile, pi les jours avant aussi bin sur , i faut pas déchinte avant que les parints i dissent te oui pasqu i vont vérifier si ch' père noel y a passé et que si ché nous bin ch' père noel i va avoir peur et qui va s in aller
nous dinch' nord ch' père noel chéto un sacré pasque meme si i avo des ch' minées , i éto soupe et y craigno pas ch' fu pasque l' cheminée ale donno directemint such' fourneau et que meme l' veile ed noel , meme si in l aimo bin ch' père noel, i éto pas prévu ed couper ch' fu, et in éto pas des innochints, nous, pasque sans chauffache, bin t avo ché draps qui étotent tous fro et qui fallo alors avoir du courache pour rintrer dinch' lit pasque ché zortios i zétotent ingélés ........
