le fonctionnement d' histoires de chtis
par minloute le, 31/12/2005pour ceux qui saftent te pas vla commint qu on fonctionne
marie claire pi sin mari frette (fred en français) i s'occupent du site i sont en région parisienne
marie claire al' récupére toutes ché photos que vous invoyez et ale les réduit, ale met eune légende, et ale plache ché photos avec les sujets pi aprés ale les classe
ché du boulot, pouvez m' croire , en plus ale fait aussi les sujets
vot' serviteur minloute , li i est du coté d' pau , ché pas la porte à coté, j a jamais rincontré marie claire , cha fait deux ans qu ins' conno , in éto sur un aut' site du qu in parlo patois, pi in a eu invie d' faire not' site à nous , grace à frette , i a réalisé not' bébé
mi,j' foule , j' ratafoule quand que j' va dans l' pas d' calais pour récuperer des photos à droite à gauche dinl' famile pour aprés les mette such' site
j a la chance d avoir eu un père qui travaillo aux mines et qui avo gardé pas mal d artiques ed journeaux , pi in a eu l' temps d' discuter aussi des mines quand qui éto cor vivant
mi , j' fais des sujets, j' les mets directemint such' site, pi aprés j' scanne les photos, j' les classe sur min ordinateur, pi j 'invo par mail ché photos à marie claire qui les r'travale pour les mete such' site
zavez vu ch' site i bouche, in cange les photos, in fait des nouvelles rubriques, in rallonche l' case ed droite pour que ché gins i voient plus longtimps ché sujets , in échanche beaucoup , toudis par mail, j a eu qu eune fos l occasion d' parler à marie claire , mais chéto pour min cang'ment d' traval et m' n arrivée dans les pyrenées
cha fait du traval cha mes gins , in moyenne au moins deux heures par jour , et ch' su vraimint court , sans compter les diminches où meme si in met pas trop d' sujets such' site , en moyenne huit par jour, in scanne , in s' fait des dossiers d avinche , vu que l' traval en dehors cha m' print énormémint d' temps
mais in est récompensé par vot' participation, par vos messaches et par vos photos