Les jardinsIn n'avot pas l'choix
par LA CLO le, 24/01/2006D'nos jours in d'minde toudis à ches jones te veux minger cha, ou si i z'aime'tent pas in leur donne aute cosse, je l'fais mi aussi. In comparaison quand in étot tchiot in nous d'mindot pas note avis in avot note assiette et ce qui avot d'dins et pas d'manières i fallot tout minger, terminer s'tartine passe qu'in n' jettot rien, malheur surtout pas l'pain, juste après l'guerre ! I a eu des cops où in m'a forcée à minger ce qu'j'aimos pas si j'n'in voulos pas eh ben j'avos rien d'aute. J'n'étos pas malheureuse ch'étot comme cha et in n'discutot pas.
par Marie-Claire le, 24/01/2006Ché vrai c'que té dit La Clo, in n' gaspillot pas et même core bien des années après la guerre, comme j'a dit l'aute jour in savot aussi accommoder chés restes et core in faire un plat appétissant
mi j'étos un peu dins eune aute situation, in fait j'avos un aute problème j'mingeos pas, j'avos pas d'appétit et mes parints i savotent pas quoi faire pour m' faire minger
alors i zavotent trouver un truc quand vraimint cha allot pus, i mettotent des frites dins un cornet in papier et j'avos l'drot d'aller l'minger dins l'cour, comme à l' ducasse ...
Z'inquiètez pas j'm'a bien rattrapée après pour l'appétit
