Les jardinsquand qu' in a cor sin père ou s' mère
par minloute le, 24/01/2006quand qu in a cor sin père et s'mère, ché l' bonheur, mais ché comme pour ché jones, in imagine te pas que cha peut s arrêter , et quand qui en a un qui s' in va, cha fait un drole ed vide, in in guerri jamais complet'mint, in a toudis dins un tout ptit coin de s'tiete et d' sin coeur , quéquosse qui fait bizarre, oh presque tout l' temps in s' in rend pas compte , mais y a des momints plus forts eq' d autes et cha nous arvient en pleine guiffe
si vous zavez cor un d' vos parints et qu' l' aute y a parti, bin , ché pour eux un vite immense, eune raison d' viffe qui s' in va, i viffent pu, i surviffent
sans vous faire la morale, sans juer au grand donneur ed leçon, pasque mi aussi j' l' a pas toujours fait, pinsez à les appeler, oh pas longtimps, deux mineutes el' temps d' leur dire qu' in les aime, nous ché deux mineutes pour eux ché des zeures d' bonheur, d' lutte anti cafard assurée
hier j a appelé m'mère ale avo pas l' moral, aujourd hui j' l' a appelé, chéto pas l' jour que j' fais d habitute, cha m' a pris deux mineutes mais chéto comme chi j' l' y avo offert un gros bouquet d' fleurs
cha print deux mineutes, pi un jour, cha vous prindra pu d' temps, pasqu i aura pu personne
l adresse ale servira pu, ch' numéro d' téléphone non pu, alors carpe diem, profitons du temps présent, i s'ra toudis assez vite temps d' braire
