l' tchiote mason d' Merlimont Plache
par minloute le, 29/01/2006allez pas croire que chéto un palace, non y avo deux pieches, eune chéto cuisine salle à manger, enfin chéto surtout cuisine et eune tappe et quate caelles , pi eune champe à coucher avec tro lits
pour el commission , i avo des ouateres , murs en parpaings, et toit en eternit dans ch' gardin derrière l' mason
enfin quand quand que j' dis gardin chéto du sape et pi ché toute
j' allo oublié l' domaine ed min père, eune viele barraque d' cantonnier , toute in bo, repaire des araignées et du bric à brac à min père, eh in est magasinier chef jusqu à s' mort ....
in jette rin , in classe tout, aprés l' tout ché del retrouver .....
non , l' charme ed Merlimont chéto que tout semblo dépareillé, quand qu on cangeo d' couverts , d' meupes , d' lits, y avo qu' in mot d' orte, direction Merlimont
alors là bo ti r'trouvo tous ché services ed tape dépareillés , ouais pasque m' mère ale casso beaucoup .....
mi j avo ker eune série d' coutio du qu in voyo sul' lame un anamite, non ché pas un champignon, non chéto un asiatique avec sin capio et l' marque du coutio chéto "le tonkinois"
des fourchettes , j' sais nin in quel alliache chéto fait, mais chéto plutot maléape, in in casso régulièr'mint eune , cha permetto d' ram'ner d' Bruay, des zautes fourchettes
mi j avo ker aussi ché assiettes, té n" avo pas quat' ed parel, mais chéto l' charme ed' Merlimont
conclusion sur Merlimont