l' passé chéto pas tout rose non pu
par minloute le, 30/01/2006ouais faudro pas oublier que ch' passé chéto pas tout rose non pu
souv'nez vous del' gymnastique que nos mères al' devottent faire pour faire el lessiffe, cauffer l' grande lessiveusse, laver l' linche al' main, faire séquir ch' linche, faire à minger inter temps, arpasser ensuite
j' me souviens des crevasses qu ale avo m' mère à ses mains , aprés qu ale avo fait l' lessiffe
achteure in appuie sur un bouton et ché fini
ché cabinets dehors, qu in y courro quand i avo l' pleuffe
l' poussière ed carbon dinl' mason, meme si l' mère al' faisot l' ménache in temps et en heure
l' carbon à dechinte al' caffe, qui fallo ensuite armonter dins zin coin, pi printe des seaux pour l' ramn'er del caffe
l' nettoyache des chintes au fond du fourneau
l' grande toilette el sam'di dinch' bac qu' in ramn'o del barraque et qui fallo ensuite vider dinch' gardin
les courses qui fallo faire régulier'mint , j' dirais quotidiennement vu qui avo pas cor ed réfrigérateur
l' chauffage dins ché masons, avec ché traces ed giffe el matin sur ché carreaux
l' bruit de l'io dins ché radiateurs qui fallo toudis purger
j' in passe et des meilleures, non ch' progrès cha a aussi du bon mes gins