Les jardinsSin lit à mémère de Annie Dedourges-Pailliot
par annie62110 le, 16/02/2006A 8 ans min jour preféré chéto l'jeudi pas qu' j'aimo pas l'école, j'etos eune bonne élève mais l'mercredi au soir, mémère al veno m'caire pour dormir à s'maison. Din sin lit chez draps y z'etotent tellemin blancs et y sintotent tellemin bon , qu'in revo tout l'semaine, avec sin gros édredon ch'lit in auro dit eune femme enceinte, et pis mémère din s'n'armoire à linche al metto des grosses savonnettes "donge" à la rose, la violette, à l'iau d'cologne, d'temps in temps al'me n'inveloppo eune dans du papier d'soie, cha ch'eto un cadeau !
Quand j'monto din ch'lit j'avos l'impression d'm'infoncer, j'etos si bien ! jé m'blotisso contre mémère al attindo, al savo bien qu' j'allo y d'mander, "mémère raconte me la guerre" al avo connu les deux 14-18 et 39-45 alors elle n'avo à raconter, et tout duchemin sans m'in rindre compte j'm'indormo.
Au matin j'eto tout etonnée d' m'inrtrouver bien au caud alors j'etindo bien mes bras et mes tiotes gambes pour in profiter l'plus possible, et pindant qu'al tourno sin café din l'cuisine j'pinso mémère m'oublies pas l'semaine prochaine !
