un tiot poésie sur m'grand mère!
par Domlama le, 16/02/2006Mi aussi j'sus d'ché corons
Et pis n'm'homme il est d'Avion
Mi aussi j'ai plein d'souvenirs
Y en a même qui m'font plaisir
J'étos tiot, j'habito Fouquières
J'allos souvin chez m' mèmère
J'l'aimo bien m'grand mère Louise
Rien qu'd'y penser j'ai les poils qui frisent
Et pis quand j'allo au collèche
J'mingeo toudi chez elle
Elle'm'donno du chocolat belge
Du chuque Candy avec des fichelles
Dins s'maison tout y éto prope
Cha sinto l'naphtaline et l'grésil
Elle'm'diso toudi " te chras pas in marie salope"
Si té veux dev'nir in bonne file!
Elle croyo in dieu mémère Louise
Elle allo toudi à l'église
Elle allo à tous ché interremints
Même si elle connaisso pas ché gins
Quand j'dormo chez m' mémère
Elle m'appreno toutes ches prières
Ch'éto pour faire inrager min père
Il éto communiste min père
Il n'aimo pas l'église du tout
Cha l'rindo inragé comme un fou
Quand mi j'rintro et qu'j'éto fière
d'y reciter toutes mes prières
Elle m'abonno à Sainte Rita
Elle m'rameno des trucs d'Lourdes
Et quand min père y ralo pour cha
Elle faiso semblant d'être sourde
Mémère Louise al est au ciel
Et j'sais quej'ai une place près d'elle
Mi j'l'avo quer mémère Louise
Elle pis tous ses trucs d'église
Asteur j'sus maman et j'auro voulu
qu'mes tiots à mi ils l'aurot connue
En tout cas j'auro eu quer
Qui z'aient comme mi in vraie mémère