l arrivée dans ché mines
par minloute le, 18/02/2006cha a du leur faire drole à ché gins , d' quitter leu villache, d' tout quitter, pour arcommincher eune aut' vie
in s' in rind pas compte mais, imaginez ché gins qui arrivottent dins ché corons
d' abord ché corons, meme si cha nous sempe si familier achteure, cha a du leur faire un choc, un peu comme nous qu on qu in vo des immeupes
i zarivotent là, souvint gràce à quéqu un del famile , qui pour eune raison ou eune aute, éto parti avant eux et qui les faisot v'nir du qui zétotent
aprés i fallo s habituer, ah ché sur, que ché conditions d' vie, meme si in les décrie achteure, i zavotent te pas l io courante, chéto souvint pour eux des conditions d' vie qui connaissotent d avant ,et j' su sur que dans bien des cas , i zont pris cha pour du progrès
l' dureté du traval, cha cha a pas du les etonner, vu que déjà i travaillotent dur, i s' sont fait d' nouvelles relations, d' nouviaux zamis
mi quand que j' fais l' point , j' me dis
du coté d' min père d' sin père , i v'notent de la région de Fruges, manouvriers, ouvriers agricoles depuis des générations
du coté d' min père, d' eus' mère, i venotent de Ruellecourt, et les villaches environnants, au sut ed Douai , i sont v'nus pasque Mr Elby i v'not aussi d' eus' coin là et qui a fait v'nir ché gins qui connaisso Mr Elby chti qui est d'venu directeur des mines ed Bruay
du coté d' eum'mère, coté paternel , chéto des jardiniers , des ouvriers agricoles, des flamints du coté d Hazebrouck et d' ses alentours
i sont v'nus ichi pasque i a eu un onque qui a débarqué à Bruay quéqu'temps avant et qui éto ingénieur
du coté d eum' mère , coté maternel , chéto des ouvriers agricole du coté d' sailly labourse , qui sont partis après comme mineurs à flechinelle, pi ferfay, pi auchel , pi i zont arpris un commerce ed boissons, à isbergues
et tout cha , tout cha , ché destins là, ché rencontes là, cha a fait qui a des gins qui s'sont rincontrés, et j' vous dis pas par quel miraque, mais l' preuffe ché qu aujourd hui j' buque su les touches d' min ordinateur .....