Les jardinsl' glace dans l' cuisine
par minloute le, 19/02/2006chéto eune glace incrinqué dins sin meupe in bo, j' m esplique, chéto un miroir et sul' coté y a vo eune tchiote porte du qu' in metto ché peines, ché lotions à caveux
quand que j' éto tchiot bin sur , j' pouvo pas m' raviser dinl' glace, fallo que j' monte sur eune caielle, faire attention d' pas querre à terre et là , aprés eune ascension périlleusse , j' pouvo admirer min visache d' appollon (là sul' coup , j avoue que j exagère un tchiot peu..)
pi aprés ch' te miroir cha a été pour mi comme un objectif , j' voulo grandir pour faire comme es' zautes, pouvoir raviser s' guiffe sans faire ed l' acrobatie
j' me souviens que m'mère ale me metto sous l' glace pour mesurer l' distance qui m' séparo cor du rebord in bo
j' avo d' l' espoir, j' grandisso, pi un jour m' tiete ale a touché ch' bas du meupe
pi plus tard , in s' mettant sul' pointe des ortiaux, j' voyo m' touffe ed caveux dinch' miroir
pi l' adolescence ale a arrivée, et là tout cha s' est accélérée, en peu d' temps j' me voyo sans problemes, et ché bien fait quand même quand qu on y busie
chéto justemint l' époque des boutons d' acnée qu' in attrapo sur s' guiffe
alors i fallo met' del creme et met' del crème sans rin vire du qu' on la met cha auro pas été simpe, mais là pas d' problème j' éto juste in face
pi deux tros ans aprés j' me su apercu que j' devo m' baisser pour m' vire dans la glace
et là aussi, ché bien fait la vie, ché que j' a arrété d' grandir , pasqu' à ch' rythme là, j' allo attinte ech plafond et ch auro pas été pratique non pu pour es' raviser dans la glace ....
