Les jardinsle service du soir
par minloute le, 19/02/2006ah cha in y avo dro chaque soir, min père avant d' aller s' couquer i ayonno ché bacs à chintes des convecteurs
ouais pasqu' on éto moderne, i avo ch' fourneau dans l' arrière cuisine, mais i avo aussi ché convecteurs, instrumints del modernité, qu' in pouvo lire dins ché publicités
mais min frère et mi , in redouto cha , j' vous esplique
nous in raviso l' télé , et min père i arrivo dans l' salon, et i preno l'crochet qui éto sul' coté du convecteur et il' le metto dans l 'tige qui éto in bas du convecteur, tige qu ale avo un trou , et eune fos l' crochet incrinqué , allez mes gins in route !
i actionno l' crochet lateral'mint, i vous auro dit pas plus d' 10 s' condes , mais pour nous chéto l' enfer
l' fait d ayonner l' tige, cha permetto aux grilles du convecteur ed bouger et d' faire querre l' ensempe des chintes dans ch' bac in bas , bin ouais i fallo que ch'convecteur i s' éteine pas dins l' nuit
j' me souviens d' un coup in raviso eune émission avec Alain Decaux, alors chéto la découverte d' un meurte, sur eune vo d' ch'min d' fer, chéto passionnant et là, vous connaissez Alain Decaux, i savo nous t'nir in haleine, et là, quand qu on allo savoir commint qu' on découvro l' corps, d' un seul coup t' intindo pu rin, té voyo bin armuer les loupes d' l' historien, mais rin, pas un son qui t' arrivo jusqu à tes zorelles
zallez dire cha duro pas si longtimps qu' cha, mais juste aprés min père i allo ayonner l' convecteur del pièche à coté, question bruit , chéto du parel au même ....
