les matches ed' boxe à Bruay
par minloute le, 27/02/2006quand qu' on déchindo l' cote des grands bureaux d' Bruay , j' raviso souvint ché affiches des prochains matches ed boxe qui allo avoir, in voyo l' photo des combattants, j' me souviens avec mes camarates , in arvenant du catéchisse , in faijo des paris , oh pas des sommes astronomiques, vu qu' not' argent d'poche chéto dix centimes, ouais mais avec dix centimes ed l' époque t' acato eune paire ed bonbons mes gins, achteure ché tout juste si t' in a un pour dix centimes d' euros
bon j' arviens am' n histoire, vous m' déconcentrez , ouais , alors in miso des tchiotes sommes, qu' in marquo sur eune feule, pi au début del semaine suivante in raviso dinch' journal, la voix du nord , chti qui avo gagné , et comme cha l' jour du cathéchisse bin in s' ardistribuo ché sous à ceux qui avotent gagné