el musette à min père de Annie Dedourges-P
par annie62110 le, 01/03/2006Comme tous ché mineurs min père y avo s'musette. Chéto eune bien solide in toile ed'fosse, y'avo toudi du fil à buquer eune pierre à aiguiser , un coutiau et eune tiote scie din s'n'étui in bo à l'intérieur, in y meto sin boutelot in alu tout cabossé avec du café et de l'iau, eune malette ed'toile avec ses tartines dins in tiote seviette ed'table.
Eune fo par semaine y preno eune paire ed'toiles bleues, un slip et un maillot d'corps, deux serviettes, eune paire ed'cauchettes et tout cha chéto bleu marine aussi.
Fallo surtout pas oublier sin bèguin, sin mouchoir à carreaux et sin gros chinturon et les tiotes clés du cadenas, qu'y eto su s'chaine din l'salle des pindus.
Quand y rintro y rameno eune raccourche et quequ'fos du pain d'alouette mais c'qui rameno surtout cheto l'odeur de l'fosse même cachée din un coin du rabattu in savo que s'musette al eto là, in l'sinto, et ch't'odeur la j'l'ai jamais oubliée