Pentecote 1959
par annie62110 le, 03/03/2006Y va faire biau, el soleil y est déjà la j'ai mal dormi, j'sus mal lunée, hier soir marraine al m'a mis des bigoudis in fer j'vous dis pas l'nuit qu'j'ai passé!
Cha y est in m'apelle faut qu'j'me lève. Marraine al est déjà la pour m'inlever les engins d'torture que j'ai su m'tiete, y m'laisseront même pas l'temps d'dejeuner.
A ch't'heure ché mémère qui arrive avec eune grande boite et n'din y a eune belle robe blanque et tous ché accessoires eh oui! J'vas faire m'communion.
Attintion! in va m'habiller comme si j'pouvo pas l'faire tout seule! ché vrai qu'cha fait un drôle d'effet j'sus tout propre j'rayonne même mes souliers y sont blancs, seulement y a un hic y sont neufs! Alors la! mais j'fais semblant d'pas etre au courant quand in m'met m'chaine et eune belle tiote montre (j'lai incore 47ans après) ché fini j'sus parèe pour traverser Fouquiéres et defiler avec min cierge intre l'eglise et l'procession l'matinée al a vite passé.
J'ai mal à mes pieds! heureusemint qu'un rintre al maison, des voisins invités pour l'occasion y m'donne eune belle bague in or, j'mi attindo pas j'sus estomaque, in y pinsant a ch't'heure cha m'fait incore plaisir. mr et mde Danzel j'vous dit merci!
ch'repas y va pouvoir commincher tout l'famille al est la,a ch't'epoque j'avo pas conscience de c'que cha couto, mais comme ch'eto eune bonne journée min pere y'a gagné l'tiercé din l'ordre!