min vélo, ou l' peu d' attention des parints

quand que j' éto tchiot j' avo comme tout l'monte un vélo avec des tchiotes roles, pi in jour in a artiré cha , pi j' a grandi , alors à moins d' continuer à utiliser ch' vélo comme eune poussette, m' mère al' m a acaté un bio vélo, j a choisi l' couleur, rouche, chéto un marchand d' vélo qui éto situé , juste au dessus du well scotch, ch' bistrot qui s installé eune paire d années plus tard
j éto fier avec min vélo, i devo aussi i avoir m' tante al' mason ch' jour là , alors j avo l' dro d aller faire du vélo din l' rue leverrier , mais uniqu'mint su ché trottoirs, et là , là , eune grande deception, eune des plus grantes d eum' vie, et ché vrai, zallez vire que l' peu d attention des parints cha peut tout foute in l air , j' me pavano dinl' rue , j' passo d' vint ché gins , à risquer d' les faire querre, tel'mint j éto fier, et au fond del rue i a un grand qui m a tué , i m a tué min reffe, i m a tué min plaiji d un coup i a dit " mais ché un vélo d' file que t' as" mi vexé, j' li dis non , ché pas vrai, alors là , i a sin père qui a sorti et li tout bon'mint i a confirmé c'qui dijo sin fils, chéto bin in vélo d' file, bin ouais chéto nin eune barre droite such' cadre , mais eune barre oblique, j' su rintré àl' mason en pleurs et j a attindu qu eune chosse , ché d ete plus grand pour avoir un vélo , un vrai , ch' ti d' min frère , un vélo d' course et rigolez mes gins , j' vous raconte la suite
ch' vélo i éto pu très jeune, mais in l avo arpeint, et j' le sors d'vant mes copains tout fier, et là cor patatra, " mais ché nin un vélo d' course , i a pas d' dérailleur" et là cor j' su tombé d un cran, ch' dérailleur j l a appris aprés , i l avotent démonté pasqui téno pu , is'preno dins ché rayons, bon bin in fin d' compte j a du attinte d avoir pu d' trinte ans pour acater un vélo et que personne i li trouffe ardire