mes voisines Polonaises de Annie D-Pailliot
par annie62110 le, 15/03/2006Ech'matin j'ai fait des pinzés pour mes infants, cha ma rappelé chelles qui m'ont appris à les faire, j'eto tiote à l'époque, mais j'avo table ouverte partout.
mes voisines ch'eto des anges, leur cuisine, j'ai toudi adoré, et al le savotent, chez Rosa à l'escalier d'cave y avo deux grosses jarres, eune pleine d'choucroute et l'autre d'cornichons au sel, pour mi ch'eto eune vrai friandise, j'préféro cha à un chuc, qu'est ce que j'in ai mingé!
In plus je m'sinto importante parce qu'elles m'servotent du thé au lait din eune tasse in porcelaine avec eune soucoupe, je m'souviens aussi d'ché fous rires quand j'les appreno à parler Français.
A ch't'heure in va parler d'leurs gateaux, pour cha ch'eto des vraies artistes, el platzek, el'makoch, el babka (j'su pas sure d'l'ortographe) cha sinto toudi bon à leur maison, Rosa, Hélène, Wanda, Irène, Adèle j'pinse pas qu'vous soyez toudi là aujourd'hui, mais au nom del'tiote fille d'l'époque, j'vous imbrasse et j'vous dit merci!