Les jardinsel rintrée des classes de Annie D-Pailliot
par annie62110 le, 16/03/2006Din les années 50 les infants y zetotent pas rhabillés d'pied in cap comme ach t'heure mais nous les tiotes filles in avo un tablier neuf, y zetotent biaux nos tabliers, à carreaux vichy, écossais avec des plis plats su l'devant et des chintures qui s'nouotent à l'arrière par un gros noeud, et quand l'popeline al est arrivée in auro dit des tiotes robes tellemin ch'eto bien fait.
Les garchons y z'avotent pas autant d'chance avec leurs grandes blouses grises.
par contre y a deux affaires que j'aimo pas gramin ché les grands capuchons in caoutchouc qu'in metto quand y pleuvo j'ai jamais pu supporter leur sintimin et les caoutchoucs blancs ou noirs avec des grosses pressions qu'in avo à nos pieds j'ai toudi trouvé cha affreux, mais comme in avo rien d'autre!
Et ch'cache nez cousu au milieu pour nous faire in capio avec les deux morciaux qui pindotent pour mettre autour d'not cou, cha ch'eto l'systeme debrouille
dire qu'a ch't'heure si y zont pas eune marque su leur bonnet y veulent pas l'mettre
