les molettes

Les molettes
(Edmond Tanière)

Y'a longtemps ej' min rappell'
Ch'étot l'âm' ed' la région
I fallot l'saquer à l'pelle
Dins chés tall's éch' carbon
In étot noyés d'sueur
In y mettot tout sin eoeur
In savot qu'cha n'étot pas pour rien
Ch'est comm' cha qu'in gagnot sin pain
Pour cha in étot pas tout seul
Là in haut i n' n'avot deux

Tout à l'tiêt' du chevalet
I n'arrêtott' pas d'tourner
Quand in l'air in l'vot ses yeux
ln étot tout heureux
Aujourd'hui in n'vot pas cha
Jé n'cros pas qu'cha r'tournera
I vont bientôt disparaître
Les molettes

Y'a Totoche un vieux mineur
Qui vient d'avoir es' pinsion
Y'a bin n'mau à sin coeur
Qui n'peut pus vir el' fond
Comm' y dit ch'étot l'bon temps
Si j'avos incor vingt ans
j'apprindros à tous chés jeun's d'à ch't'heure
Commint t'nir un martieau-piqueur
Mais in ravissant in l'air
Tout d'un cop i'a invie d'braire

Tous les jours éd' bon matin
Dé l'voyette éd' sin gardin
I véyot tourner deux roulettes
Cha vivot ch'étot bien
Aujourd'hui cha n 'marche plus
Ch'est muet comme eun' statue
In va les fair' disparaître
Les molettes

Mais j'cros bin qu'ch'est pas fini
E1' carbon ch'est tout' not' vie
I attind fauqu' après nous
Des molettes des barrons
E1' souffrance, el' faim, l'chômage
Cha s'ra bin vite oublié
In rouvrira tous les moulinaches
In s'ra fier ed' dévaller
Alors in haut des chevalets
Les roulettes i s'mettront à r'tourner

Ch'est toudis not' seul espoir
D'armonter un jour tout noir
Avec incor dins s 'musette
Du bon pain d'alouette
De l 'cage jusqu'au lavabo
In pinss'ra tous à nos tchots
In n'veut pus jamais qu'i s'arrêtent
Nos molettes

Ch 'est toudis not' seul espoir
D'armonter un jour tout noir
In n'veut pas les vir disparaître
Nos molettes