min père et ses ptits pos
par minloute le, 19/03/2006pendant ché grantes vacances min père et mon mononque i travaillotent quand meme aux zouillères, i passottent que quinze jours , tro s' maines en vacances avec ché femmes et ché tchiots qui zétotent eux pindant deux mos à Merlimont
alors min père i avo deux passions, sin gardin et Merlimont, donc i lio les deux, ché à dire que l' veile ed partir à Merlimont i allo dins sin gardin rammasser ché ptits pots qui étotent sur ché rames , savez ché potiaux qu' in voyo dins ché gardins comme des piquets d' tente, i metto ché p'tits pos dans eune valisse et i faijottent l' voyache , Bruay, saint Po, Hesdin, Berck, pi Merlimont in bus , oh i zavottent l'temps d' raviser l' paysache et i a des coups i avo des passagers clandestins, un coup mon mononque i a fait armarqué à min père qui avo des chtiotes chenilles qu' ale sortotent des' valise qu' ale éto incrinqué au d'sus d' leu tiete
et grand momint en arrivant à Merlimont , eune fos tout l'monte qui avo archu eune baisse, i devottent s' mette à écosser ché p'tits pos , ché ptete pour cha que dans l' famile , in courro pas trop aprés à la fin ...