l'télévision d 'eum n' enfance 1
par minloute le, 20/03/2006pour mi y avo moins d' feuilletons , moins d' séries à not' époque , mi j' su né en 60, qu achteure
mais chéto des rendez vous incontournapes, d abord y avo pas autant d' chaines, donc in pouvo et' sur que quasimint tout l'monte i raviso belle et sebastien, lagardère etc ....
cha voulait dire aussi que l' lend'main tout l' monte i parlo del meme chosse , et ch' matin au poste , dins l' carette, i avo un espécialiste del télé qui éto interrogé et qui diso qu achteure l' télé , cha allo d' venir ed plus en plus la télé à la carte, d abord in a connu l' prolifération des chaines ed télé , et achteure ins' dirigero vers eune télé plus sélectiffe que bientot in pourra choisir l' flime qu in veut voir, l' émission d' télé aussi , et tout cha à la carte
ché vrai que la télé cha a tué en partie les relations d' voisinache qui pouvo y avoir dans l' temps , mais tout c' qu in peut dire ché que ca va pas aller cor dans l' bon sens
nous in a connu ptete un ache d or , mais quand qu in parle avec des plus jones, des gins qui ont trinte ans , i zont l' meme sentimint, nous chéto zorro eux , chéto goldorak , candy, l ile aux infants
alors faut ptete relativiser , pi j' me dis et cha vous fait ptete l' meme chosse, si vous avez l occasion d arvoir un épisote ed belle et sebastien ou polly ch' tchiot bidet, mi , à déplaire à certains , ch' trouffe cha plutot gnangnan achteure
mais chéto not' infance alors in critique pas belle et sebastien ....