le journal de cheminée - André Théret
par janpi le, 21/03/2006Dins ches in.nées quater-vingt, j'ai ouvré à Bétheune, et j'armeuros à Houdain (Haut). J'ai rincontré Indré Théret, ainciain mineur qui avot fait un "tribunal populaire" aveuc Jin-Paul Sartre in 73, suite à l' catastrophe ed' Liévin. I sin.not êt' inconnu au bataillon, sauf qu' ches journalisses ed télévision du monne intier v'nottent à s' majon pou li poser des questions... Infin...
Je l'ai conduit, comme beaucop d' comarates, jusqu'à s' dernière majon.
I m'avot espliqué, qué quind il étot arrivé à Houdain pour ouvrer à l' fosse d'Haillicourt, il avot r'çu la visite du gart' à s' mason. Et comme il avot pas eu l' timps d'installer sin poële à carbon, ch' garte s'étot approché dé l' kéminée et avot ravisé queu journal bouchot ch' tro. Comme ses visins l'avottent prév'nu, il avot mis la Voix du Nord.
Y avot des imprudints qu'i avottent mis l'Humanité et qui s'étottent fait repérer tout d' suite in arrivaint!
Jean-Pierre Darras