Les jardinsCamp jéciste et base de lancement V1
par Ch'Zio le, 23/03/2006In août 1943, in avot organisé in camp jéciste à Dohem. El photo al moutre un lever des couleurs pindant ch'camp. In étot vraimint innochints car, si eine patroulle allemande al étot passée par là, cha aurot pu nous coûter querre. Et, comme vous allez l'vir après, i s'étotes pas loin.
Toute el nuit in n'avot pas gramint dormi car in a cru intindre des convois d'camions à moteur diesel su l'route nationale. Mais, pus tard, in a eu l'fin mot :in étot campés à cinq cent mètres d'eine base de lanchemint ed V 1 qui, toute el nuit, avot invoyé des missiles sur Londres. Et ches pulsoréacteurs qui équipotent ches V 1, i faisotes el même bruit qu'ein gros moteur diesel. Personne nous avot prévenu d'ech voisinache là et, après cha in a eu frod dins l'dos !
( 1 photos)
