Les jardinsVoyache avec papy
par klavzer jean marie le, 23/03/2006Voyache avec papy
Allons rien qu’à tros faire ech long voyache
Assis su l’blanc coton d’in nuache
Nous caveux au vint, découvrons l’monte
Insin in verra si l’tierre ale est ronte.
I fot nous laicher m’ner par euch vint
Pat’zeur chés mers et chés chinque continints
Zieutons pou vir chés grosses baleines bleues
Chés requins blancs, chés dauphins amiteux
Importez tous vous crayons multicolores
Pou mette in couleur chés fleurs v’nant d’éclore
In tas d’chuques pou chés infants, files et garchons
Pou unne bielle amitié point b’soin d’faire des fachons
In va vir in tas d’gins d’toutes chés couleurs
Des aimapes des malinfronniés à faire peur
Des païs pleins d’patures, des autes pleins caillaus
Des bos si grands, qu’facilmint in s’y perdrot.
In prindra des glachons su l’Himalaya
Po les donner à chés maguettes du Sahara
Chés Chinois vos vindront d’bielles soieries
Qu’vos don’rez à vote chtiote man chérie
Dins ch’païs de s’indiens ed Walt Disney
Vo ramen’rez un kartin d’portraits d’Mickey
Un jonne ed’kangourou tout dro ed l’Australie
Des crolettes de papous sins le bigoudis.
I nos faudra arvenir su l’viux continint
Broutés par el brise, mates mais tout contints
Dins vous tchiètes vont dormir des étoiles in or
Juste récompinse pou tous vous efforts.
