en souv'nir ed Clara

Clara chéto eune cousine à min père, que j' a djà souvent parlé d elle , que chéto radio bruaysis meme avant qu' cha éxiste , té li d' mindo un truc , at' diso "ouais ché l' file untel , que sin père chéto un fils untel et s' mère eune file untel, i zabitent telle rue à bruay, pi aprés et' faijo eune description d' leu vie pire que ché renseignements généraux, ale savo tout

bon j arviens à min sujet , pasque j l a pas cor comminché , vla l histoire,

clara ale m offro toudis quéquosse al' saint nicolas, à paques, à la noel, al' nouvelle année, faut dire aussi que ché gosses ed sin quartier pi tous les necessiteux i connaissotent l adresse, l' bas d' sin buffet chéto un vrai débit d' tabac avec toudis au moins eune dizaine ed cartouches ed cigarettes d avinche et j' vous jure qu ale fumo pas clara, mais chéto comme cha , al' prévoyo toudis si untel i passo as' mason, ou qui li faijo eune tchiotte course, ale préféro li donner eune cartouche ed cigarettes que d ' l argent et sur ch' coup là j' l y donne raison
bon j arviens ou plutot j arriffe am' n histoire, un coup , ale savo pas quoi m acater , ale m acate eune horloche, et vraimint j' vous dis , que cha m avo fait plaiji, j' dvo avoir 22 ans , j allo avoir min premier appartemint , partir deul' mason, et vraimint cha m a fait plaiji comme cadeau , mais clara ale éto génée , ale savo pas si cha m' faijo vraimint plaiji , mais si qu' j y diso , mais si
bon clara ale est décédée en 1995 , mais s' n ' horloche ale marche toudis , bon pied bon oeil, alors chaque année , ej diro meme deux fos dins l année, à ché cang' mints d heures, à chaque coup , j ' m arvois avec clara à essayer d'el convaincre cor que cha m avo fait plaijir

alors clara, achteure que té là haut et qu' t as internet (vu l' nompe ed visiteurs qui explosionne inch' momint cha peut v'nir que du paradis cha ) , donc ej' te dis solennel'mint que t' n' horloche am' plaiso vraimint et qu am' plait toudis ......