l' dame au bout del ' rue
par minloute le, 27/03/2006j' me souviens pu d' sin nom , mais ch' te dame al' m impressionno, faut dire qui avo d' quoi pour un tout tchiot
d abord elle pi sin mari i parlotent pas beaucoup aux zautes del ' rue, i zavotent déménagés , i v'notent d el rue d' paris ou du bas d' la rue raymond deruy , j' sais pu , mais in tout cas i zétotent restés en relation avec leurs zamis d avant, nous ché à peine si i nous parlotent
elle comme li i zavotent un visache terne, presque jaune, cha respiro pas la santé , cha s arfleto dins ché vét'mints chéto terne , insipite
ale passo à pied din' l' rue , t avo l impression qui avo toute el' misere du monte qui éto queute su ses godasses, mais ché pas pour cha qu ale parlo avec les gins, i respirotent , commint vous dire, l' tristesse,la mélancolie
et là ou vraimint ale m impressionno ché quand qu ale passo à vélo dinl' rue, ch' vélo i devo dater d' la fin d' la guerre , ou meme avant, ch' guidon i paraisso énorme et i arvéno en arriere qu ale éto comme obligée d écarter les bras pour ténir ch' pognées
in auro dit aussi , que ch' vélo i éto tout juste as' taille, non pas trop pétit mais plutot trop grand, d ailleurs quand qu ale s arreto au stop, in avo l impression qu ale déchindo carrémint d' sin vélo pour que ché zortiaux i touchtent te terre
mais ch' plus impressionnant chéto l' vitesse avec laquelle ale circulo, in s' demindo commint qu ale quéyot pas par terre , ale avincho tout douch' mint, j'su sur que t arrivo derriere elle avec eune carette que té klaxonno, qu as' fouto l' guiffe dinch' trottoir
chéto pas un ange passe, chéto pluto , l' misère du monte ale passe .....