l' flesquibilité du traval
par minloute le, 28/03/2006ché cha qu' ché gins i zont du mal à accepter , faut dire que ché un sacré cang'ment , dinl' temps in faijo carriere , chéto normal, in passo trinte ans dans l' meme boutique, dins l' meme atelier, et chéto eune fierté d avoir fait s' carriere dans l' meme société
in peut dire c' qu on veut ché vrai que l av'nir ed ché jones, ché pas du tout cuit, d un coté in nous diso , zinquiétez pas dans eune paire d années, i aura tous ché jones qui sont nés juste aprés la guerre qui partent en r'traite et y aura d' la plache , ch' chomache i va baisser
mi j en suis pas bien sur, j a des doutes, ravisez tout c' qui s' fabrique achteure à l étranger , et d' plus en plus loin
j a intindu un artique du qui disotent que pendant des zannées in n a profité d aller acater des produits en chine et par là bas, chéto pas cher et ché zimportateurs i faizottent eune sacrée culbute en bénéfice, mais dans quéqu' zannées , in verra d' plus en plus d' sociétés en france racatées par des indiens, des chinois, bref des gins qu in s a presque moqué d eux durant des générations, et ché ptete cha d ailleurs qui a fait tout ch' brin quand qu un indien i a voulu racater eune société françaisse
i parait que dans quéqu' zannées, ché pays dit sous developpés i zauront racatés toute el concurrence et là i zarmonteront les prix comme cha a fait avec l ' pétrole , cha s'ra vrai j' pinse en partie
j' cro mes gins , qu in est à un tournant , oh cha s'ra pas l' premier ni l' dernier , mais chti chi i jue sul' corte sensipe, d abord ché l av'nir ed nos zinfants qu in vo moins facile que l' note, pi aussi, l' relationnel au traval i cange , in éto dja en fait des produits d' consommation sans trop l' savoir, mais achteure in comminche à l' ver l' voile et à comprinte , j' dis pas accepter , que l' monte i est in train d' canger , qu in s'ra pu les leaders nous ché zeuropéens
la roue tourne , faut dire que dans l histoire cha ché djà passé eune paire ed coups, des grantes civilisations qui disparaissent sous l influence d' aut' peuples, ouais mais ch' coup chi , pour la premiere fo , ché nous qui avons ch' mauvais role ...
à méditer