bin in brule les zétapes merlin merlot

j' va vous raconter eune tchiote histoire, ché un fabliau du moyen ache , j' vous l' fais court , enfin j' va essayer
ché un homme qui va dans l' foret pour s' pinte, pasque i a tous les malheurs du monte, i a pu d' sous, i est endetté , sin ménache i bat d' l aile, bref i a rien qui va
i va pour es' pinte et là , i a merlin, l enchanteur, qui li apparait et i li proposse un marché, i li dit " té va avoir tout l argint qu' té veux , t auras toute el ' réussite que té veux , à eune seule condition " , l aute i dit "que condition ?" " ché simpe i li dit merlin, j' te d'minte simplement d' venir chaque année, al' date anniversaire qu in s a rincontré , té viens chaque année juste em' dire un tchiot coucou" l aute i dit ouais tout d' suite, bin qui s' deminte quand meme si i a pas un piéche , bin non i a pas d' pieches

aussitot qui arvient dins s' ville, tout c'qui allo pu cha arva , i a pu d' dettes, i d'vient riche, avec s' femme ché mieux qu aux premiers temps , bref l' paradis
un an i s' passe, et l' premiere année, ch' t homme i va quat' pat' d un coup artrouver merlin dinl' foret pour l armercier cor d' li avoir donné tout cha
pindant eune dizaine d années cha continue comme cha, li i roule sur l or , pi chaque année i va vire merlin
oh ché vrai i li va pu avec autant d enthousiasme, cha comminche à li peser
mais i li va quand meme, pi eune année, i s' dit merlo , il l appelle pu merlin, ché comme pour es' moquer d' li , ou pour l' dénigrer, merlo qui dit i va pas m in printe rigueur, j irai plus tard , un aut' coup
et ché là qu à partir du lend'min que ché ennuis i arcomminche, i perd tout son argent, sin ménache i part en coule , bref ché l' brin
alors i décite d aller arvire merlin, i arriffe dins l' clairiere , et i supplie merlin d' li pardonner , qui oubiera plus et patati et patata
mais merlin i reste inflexipe, car tout enchanteur qui est, i a eune sacrée paire d oreles et y avo intindu que l' aute i l appelo merlo , cha li a pas plu et ché pour cha qui s' vinche
l' rapport avec l' nompe ed visiteurs, attention faut pas dresser eune comparaison toute rapite, j' dis pas qu in a pu l enthousiasme d aller such' site, mais faut dire qu in s habitue vite à vire ech' nomp' ed connections explosationner, ou tout du moins presque tripler depuis début décempe , ché simplemint eune constation, et dire qu au tout début in s emerveillo quand qu on avo arrivé à 4000 visiteurs , mais in est comme tout l' monte, in s habitue vite ...