accrochées chez mad'moiselle Defernez
par minloute le, 29/03/2006ché soeurs Defernez pi leu frère Léon , j' l'a dja dit i tenotent un commerce ed bonnet'rie, matériel escolaire, et pompes funépes
y avo ché ballons qui cottoyotent ché plaques d ' argrets zéternels ....
outr' ché martinets qui pindottent prés du comptoir, cha in les ravisso que d' coin, i avo aussi in tchtiot peu en artrait et cha chéto pour que ché mains d' infants ale zaillent pas les printe quand qu elles zavottent l' dos tourné, mais assez près quand meme pour attirer not' convoitisse
chéto les billes, les billes , dans leur filet in plastique vert, i avo aussi à part ché calots, ché grosses billes, combien qu' in a eu d' billes chacun à nos masons respectiffes , j' su sur un sacré paquet, mais entre celles qu' in perdo quand qu' in juo avec les copains, celles qu' ale disparaissossent sous ché meupes et qu' on arvoyo pu, pi celles que l' mère ale confisquo ou qu' ale jeto vu que chinq mineutes avant ale a failli faire un vole plané au miyeu del cuisine, i avo beaucoup d' pertes, donc ché pour cha qu' in éto fin contint quand qu' ché parints i disottent qu' in avo été sache et qui d' mindottent c' qu on voulo, aprés ché cyclistes et ché soldats , chéto min trosieme préféré