y in'a qu' pour li !! (S.Colliez)

Canchon espéciale pour minloute

Y in'a qu'pour li
(Simon Colliez)

Quind j'intinds certains dire qu'ils mènent eune vraie vie tchien
J'voudros bin ête à lu plache, i faut vire eul'mien
In l'caline, in l'chouchoute in li fait des caresses
C'est le petit toutou chéri à sa maîtresse

Mi, in ravisse à m'acater des cigarettes
Mais in acate des trucs in boîte pour l'pétite biête
In li donne un bol de lait caud tous les matins
Mi ch'est tout eune histoire chi j'bos un verre d'vin

Pas question d'écouter l'radio après dîner
Ch'tchien i's'arpose, i faut surtout pas le réveiller
Mais si ch'est mi qui va s'allonger dins'ch'divan
In claque ches portes, et in s'en fout d'faire du boucan

Refrain :
Ch'est pour qui les p'tits mots gentils: "Min p'tit biquet, min gros chéri"
Ch'est pas pour mi, ch'est tout pour li
Et ch'est pour qui les p'tites caresses, les mots rimplis eud'gintillesse
Ch'est core pour li, jamais pour mi
Elle m'a jamais parlé comme cha, elle m'a jamais dit ches mots là
À croire qu'ichi euch'tchien ch'est mi
Surtout n'allez pas croire mes gins qu'j'sus jaloux d'euch'pétit tchien
Mais y'in a qu'pour li, i vit miux qu'mi

Li, i a drot d'aller faire sin p'tit tour tous les jours
Mi, j'ai à peine eul'drot d'aller plus loin qu'eul'cour
I'ar'viens, i rinte avec ses pattes sales dins l'maison
In li dit rien, chi ch'étot mi ouh! Quoi que j'prindros

In faisant sin p'tit pipi quand i'in met su'l'moquette,
In lit dit rien, in pardonne tout à l'pétite biête
Mi si j'a mets eune petite goutte à coté d'eul'cuvette
Ch'est tout un drame et quoi que j'prinds dins mes niflettes

Refrain :
Ch'est pour qui les p'tits mots gentils: "Min p'tit biquet, min gros chéri"
Ch'est pas pour mi, ch'est tout pour li
Et ch'est pour qui les p'tites caresses, les mots rimplis eud'gintillesse
Ch'est core pour li, jamais pour mi
Elle m'a jamais parlé comme cha, elle m'a jamais dit ches mots là
À croire qu'ichi euch'tchien ch'est mi
Surtout n'allez pas croire mes gins qu'j'sus jaloux d'euch'pétit tchien
Mais y'in a qu'pour li, i vit miux qu'mi

Avec un tchien d'garde comme cha in est bien monté
Je sais même pas si i s'rot capable d'aboïer
Si un jour par malheur in s'faisot attaquer
J'cros bin qu'ça s'rot li eul'premier à's'sauver

Tous les soirs c'est parèl pour ravisser l'télé
Mi ch'est sur eune caïelle, li i'est dins l'canapé
Tout au début, j'ai voulu él'faire décamper
I m'a mordu et m'femme m'a 'core ingueuler

Refrain
Ch'est pour qui les p'tits mots gentils: "Min p'tit biquet, min gros chéri"
Ch'est pas pour mi, ch'est tout pour li
Et ch'est pour qui les p'tites caresses, les mots rimplis eud'gintillesse
Ch'est core pour li, jamais pour mi
Elle m'a jamais parlé comme cha, elle m'a jamais dit ches mots là
À croire qu'ichi euch'tchien ch'est mi
Surtout n'allez pas croire mes gins qu'j'sus jaloux d'euch'pétit tchien
Mais y'in a qu'pour li, i vit miux qu'mi