Les jardinspourquoi j'a pas ker chés perles
par Marie-Claire le, 31/03/2006J' pinse que vous vous souv'nez tertous des grands débuts del marque d' boites Tupperware
A m' mason chétot eune invasion, j'ai n'a core des reliquats d'ailleurs d' l'époque
passeque m' marraine ale in vindot, alors ale époque y avot gramint d' réunions, un coup amon d' l'un, un cop amon d' l'aute et cha tournot comme cha in permanence et cha s' vindot bien os povez m' croire
aveuc cha y avot des cadeaux à chelles qui féjotent el réunion et des gadgets, em m' marraine ale n'avot bien sur des sacs pleins à distribuer, et l' fin du fin chétot chés colliers et chés bracelets in fausses perles, j'ai n'a eu in cadeaux toute em n'infance
à un point qu' achteure quand j' vos des bijoux in perles, pour mi cha reste associé à chés gadgets tupperware, j'y peux rin ché comme cha, jamais j'acat'ras des perles d' culture
