Les jardinsun momint d' grante convivialité
par Marie-Claire le, 07/04/2006L' affaire del vinte d' l'église Sainte Barbe d' Bruay, cha m' fait pinser à c' que cha r'présintot l' messe du diminche dins chés villaches
Mi j'a connu les deux, dins chés mines à Grenay et après dins un villache à Enquin les mines
A Grenay j'étos core à l'ache du catéchisme et j'allos ale messe et j' rintros à m' mason dès l' sortie
A Enquin j'étos pus grante, j'avos djà fait m' communion mais j'allos core ale messe, chétot un peu l' sortie du dimanche faut bien l' dire et pis chétot l'occasion d' rincontrer tous chés gins du villache, d' discuter ale sortie, y avot au moins pindant eune heure plein d' tiots groupes su l' parvis et in dijot bonjour à tout l' monte et in apprenot chés nouvelles
et chés zommes i finissotent au café à côté amon Elise
Chétot un bon motif pour aller ale messe tout cha ..
In finissot par rintrer passeque chétot l' heure d' minger, l'messe ale finichot tard à 12h30
In tout cas chétot un momint bien sympathique et d' grante convivialité
