les diminches ed sortie d' minloute
par minloute le, 12/04/2006l' sortie quand qu' on éto cor jones boutonneux chéto l' cinéma , bon i fallo que l' film i soit bon pour que ché parints i donnent d' quo payer l' intrée
chéto l' époque des grands flimes catastrophes, la tour infernale, tremblement d' terre, ou alors des flimes comme el viu fusil
j' me souviens qui passo au casino, en meme timps que grisse, ch' flime avec djone travolta et oliva nouille tone jone i passo au colisée , oh vinguette , quand que j' su passé d'vant la rue du barbier, un monte qui attindo pour ech' flime là , par conte au casino pour vire el viu fusil i avo del plache chéto l' moins qu on puisse dire, j i avo artrouvé un copain d' classe, l' seul pasque tout ché zautes i faizottent la queue pour vire grisse
ché un flime qui m a impressionné à cht époque là et cor achteure , quand qui passe , j' dis pas que j' ravisse à tous les coups , pasqui passe quand meme assez souvint, mais si j' ravisse du début , j' peux point l' quitter