Les jardinsch' cinsier et ses infants
par Marie-Claire le, 15/04/2006LE LABOUREUR ET SES ENFANTS
La Fontaine en chti
Ch’ cinsier et ses infants
Ch’ viux cinsier qui s’ sintot d’ moins in moins bien
S’ dijot in li-même : « J’ cros que j’n’ai pus pour longtimps ! »
Et, busiant qu’y étot pus que temps,
I fait v’ nir tout près d’li tous ses infants.
Quand i sont tertous insanne autour de ch’lit,
Avec el’ reste ed’ forches qu’i a cor, i leu dit :
« Mes infants, acoutez bien, avant d’morir
Y’a eun’ affaire que j’ veux vous dire.
Ch’est de, surtout n’ point vinde nou terres
Qu’ j’ai mi-même héritées d’ vou grand-père.
Surtout qu’y a eun’ grosse fortune muchée d’dins !
Mais l’indrot, au jusse, j’ sais pus fort bin.
Vous avez intérêt à cacher tout partout,
Avec du courache, o’ z’in viendrez à bout ! »
Ch’ père, eun’ fos mort, tous ches infants
S’ mettent à artourner tous ches camps,
D’ long in larque, comminchant timpe, finichant tard,
Mais toudis sans treuver l’ moindre liard.
Si ch’ n’est, par contre, que ch’ t’année là i z’ont eu
Des récoltes comme i n’ n’avottent jamais vues.
I n’y avot jamais eu d’argint d’muché,
Mais chelle leçon tertous l’avottent digérée.
Leu viux père, qu’ ch’étot un homme fort sache,
Qu’ ch’est dins leu bras qu’y avot d’l’or,
Et que ch’ l’ouvrache aussi, ch’est un trésor.
Jules Dermaux (Dins min parlache de min Mouscron)
publié sur http://www.chblog.com, le blog de Régis de mincoin.com dont le lien est ici sur le site (Ballades en pays d'Opale)
