cha valo pas cha de Annie D-Pailliot
par annie62110 le, 15/04/2006J'ai 13 ans, et m'mère al ma donné mes deux tiotes soeurs à garder, in est parties juer din ch'tiot parc, à côte de'ch' pont du cocorico, pour les occuper, j'l'ai fait assire din l'hierpe et j'les apprins a faire des courrones avec des fleurs ed'trèfle, in est tellement à not ouvrach' qu'in l'a pas vu arriver, li ché l'garde des mines, bien qu'y a pas d'panneaux "pelouse interdite" y nous ramène tout les trois a not'maison,in a du marcher tout l'long du coron devin li, in s'demande incore pourquoi y nous à pas mis les menottes, les tiotes al sont in train d'braire tellemin al zont peur, et mi j'su completemin mortifiée. Arrivées a not' maison y'a colle in procès d'5 francs à min père;
vous m'croyez si vous voulez mes parints nous ont même pas ingueulés, et d'puis ch'jour là quand'j'croiso ch' garde je'l'raviso bien droit, car pour mi faires des couronnes ed'fleurs ch'eto pas d'l'délinquance, quand in vo s'qui s'passe a ch't'heure in s'rin compte que l'fossé des générations ché pas eune invention