Les jardinseune naissance y a 80 ans
par Marie-Claire le, 15/04/2006l'aute jour minloute i parlot d' chés femmes et d' chés accouchements et du coup i m'a arvénu c'que m'avot raconté m' grand mère, cha s' passot à eune aute époque, in 1925
mes grand parints habitotent core enquin, ché ch' t'année là qui z'in sont partis pour Grenay, Lièvin d'abord dù qu' min père y est né in 1926
Donc à Enquin un jour m' grand mère ale a queut dins chés escaliers d' cafe, min grand père y a été querre ch' méd'cin qui a dit " elle est pas comme ça au moins ?", j' précise que m' grand mère attindot min père bien sur
Ben si qui dit min grand père, ben ch' méd'cin y est arparti sins plus s'in soucier, in féjot pas d' écographie ale époque et in veyot pas plus ch' gynécologue d'ailleurs, j'em deminde meme si l' profession ale existot
In tout cas quand min père y est né ben chétot pas terripe, dins l' chute i étot parti d' travers et y avot s' tete artournée vers l'arrière, l' sage femme ale est arvénue l' lend'main in pensant qui aurot pas passé l' nuit
et min père y a été attaché plusieurs mos autour del tete pour l'ardrecher
In a du ma à imaginer qu' chétot y a seul'mint 80 ans
en photo mon papa à 2 ou 3 ans, il s'était rattrapé et il avait bien profité comme in dit
( 1 photos)
