Les jardinsdes viux prénoms
par Marie-Claire le, 17/04/2006in matière d' prénoms originaux et rares y avot c' qui fallot
j'a treuvé sur un site picard des prénoms qui s'rotent putôt pus courants dins nou coin
j' vas pas tout vous mette bien sur, mais cheux que j' vous mets à deux tros exceptions près j'in a connu qui s'appelotent comme cha, cha rappel'ra suremint des souv'nirs à gramint d' monte
Amédée, Arnoult, Arsène
Clotaire
Désiré
Fulgence, Florimond
Isidore
Juvénal
Léonce
Omer
Palmyre, Philomène, Pulchérie (l' prénom d'em grand mère)
Rodolphine (m' n'aute grand mère)
Toussaint
Zacharie, Zélie, Zéphir, Zoé
et j'in oublie, des prénoms qui j' cros bien ont complèt'mint disparus
j'a déjà dù l' raconter mais m' grand mère qui avot rincontré qu'eune seule aute Pulchérie dins s' vie, tout l' monte l'a toudis app'lée Chérie, aussi bien l' famille, chés amis, qu' chés commerçants, pour quéqu'un qui étot pas au courant cha étonnot toudis, ale a intindue pus d'eune fos des réflexions dins un aute coupe que l' femme ale dijot à s' n'homme "t'as vu comme i parle bien à s' femme ch' t'homme là !"
et in plus sin nom intier chétot Chérie Degrâce ... cha in imposot ...
