les troenes
par minloute le, 17/04/2006nous in avo eune haie qu ale éto faite in troene, alors j attindo avec impatience que cha pousse bin, pasqu avec ché tiches, j' faijo d' zépées, ouais mes gins, comme l épée à zorro, ah zorro in loupo pas un épisote l' jeudi aprés midi cha chéto sur, ou alors ché qu in avo pas été sache et qu in éto puni
cha chéto l' bon coté des troenes, mais l' mauvais coté chéto quand que min père cha li preno d' couper les branques, alors té pouvo faire tout c' que té voulo, partir plus tot pour aller juer avec tes camarates, pretester que t avo du maux à tin vinte, rien n y faijo, j éto d' corvée, li i coupo ché branques avec l' cisale, et mi avec ch' sac, j' devo ramasser ché branques, bin chéto nin facile , si té metto pas bien ché branques ed dins l' sac, ch' sac i pouvo et' rimpli que t avo mis qu eune dizaine ed branques, et comme min père i éto plutot économe et méthodique, i éto pas magasinier pour rin, bin i fallo bin mette ché branques, cha prénno un temps et là l' pire ché quand té voyo tes camarates aller djà juer au fond del rue leverrier din l' pature et ti té devo ramasser ché branques en arsinquant tin nez, bon j' dis pas que dix mineutes aprés im' laicho aller les r'jointe, mais bon chéto dix mineutes ed perdu , et pi savez quand qu on est jeune dix mineutes cha fait long ...