l' fond d'la barraque au bois 1
par minloute le, 17/04/2006l' barraque au bois chéto min lieu d' jeux l hiver
j' vous esplique pourquoi, d abord ch' bo i n éto pas in vrac comme cha dinl' barraque, nan, i éto entreposé dans eune espéce ed coin barré par eune série d' planches que l' contenance du bo cha devo bin faire 3 m3
alors l hiver, j' allo juer d' dins, chéto comme si j éto dans un charriot d' cow boy et que j' tiro sur les zindiens
mais l hiver i devo i faire fro din l' barraque minloute !
bin nan , pasque les cosses ale zétotent bin faites
comme ch' réduit à bos i éto contre el mason, i avo d' sus l' reserve d io caute qui servo aprés pour el cuisine, donc i faiso toudis bin caud , i avo qu un inconvénient eune année, d ailleurs aprés j y a pu artourné, j a été piqué par d' zareignées qui avotent élu domicile là et qui voyottent d un mauvais oeil que j' vienne les imbeter, j a fait eune allergie et d'puis ch' temps là , m'mère ale avo décrété que l' reserve ed bo cha s'ro pu qu eune reserve ed bo , un point ché toute