l catalogue manufrance
par minloute le, 18/04/2006cha chéto eune institution , y avo cha dans bon nomp' ed mazons
mi aussi j a eu la chance d avoir dans les mains in éto gosse , un cataloque manufrance du début des années 50 oh j' sais zallez dire, ché bien loin de chti de ch' Zio de 1928 , bin nan en fait
i avo pas grinmint d' photos cor, j in ai artrouvé un du début des années 70 i avo plus de photos , cha avo perdu un peu d' son charme
nan l' charme du cataloque manufrance chéto les dessins d eune part, des dessins au crayon, d eune grante précision, ti té raviso cha , této comme em'né dans un aut' monte, chéto aussi envoutant pour mi que d' raviser les dessins qu in trouvo dans ché viux dictionnaires larousse
d aut' part , i avo aussi ch' texte, un texte d eune précision extrème, t avo tous ché renseign' mints, in voyo que cha avo été fait par des magasiniers cha , tous ché détals, et in révo d avoir ed l argent et d' pouvoir acater pour mi eune carabine, un vélo ou un costume ed chasseur
rassurez vous, cha m a passé, j a jamais tué eune bete d eum' vie , à part ché mouques sur min pare brisse, ché nin achteure que j' va commincher
l aute charme aussi du cataloque chéto les zobjets i avo des objets vraimint atypiques , j' me souviens qui avo toute eune série d artiques pour handicapés, i avo des séries d' béquiles, pi aussi , et cha j révo d avoir cha quand que j éto jone, un coutio fourchette, cha permetto d' couper s' viante et d el minger tout cha avec eune seule main
in a des gouts quand qu on est tchiot ....