min plus mauvais souvenir d école
par Marie-Claire le, 26/04/2006In règue générale j'étos pas trop sportife, mais min plus mauvais souv'nir ché bien chés jours dù qu'au programme des cours de sport chétot barres assymétriques, alors là chétot terripe
j'sais pas commint espliquer cha, j'in étos malate dès l' matin et pus ch' cours y approchot et pus j' étos angoissée, j'sais pas vraimint pourquoi cha m' impressionnot autint
déjà i fallot s'incrinquer su l' plus pétite barre, qui m' paraichot déjà bien haute et j'arrivos pas et pour tout dire j' féjos pas trop d'efforts passqu' arrivée là chétot fini, blocache complet, y avot pus personne, j'étos eune vraie loque, j' pouvos ardescinde
j' vous accorde que j'avos bien un peu l' vertiche, mais achteure ché mi qui fait chés plafonds et cha m' fait rin d'ete in hiaut d' un escabeau par exempe
mais là j' sais pas si chétot chés deux tiotes barres qui paraichotent pas trop solites au milieu d'eune grante salle ou aute cosse, non chétot nin possipe, un vrai blocache j'a jamais été su l' deuxième barre, ech prof i pouvot dire tout c'qui voulot
et j' comprenos pas l'intérêt non plus de ch' t'activité là