m' femme ale a foutu ch' bordel ch' matin dinl' villache
par minloute le, 28/04/2006j' vous zexplique, grand mère, ché comme cha que j' l appelle, ale s a acaté eune nouvelle carette, eune tchiote carette , eune kia, ché coréen , pas cher et ché pas mal pour el' prix
donc hier soir al' a pas pu s' garer d'vant l' mason vu qui avo quéqu un d' garé as' plache
i a parti au momint du feuilleton d' la 6 du qui a des nèques (sans péjoration j' précisse , pour les mal embouchés ) cha passe vers 20h10 j' y a dit qu i avo eune plache mais nan, ale éto clouée a' s ' n écran , que meme si j éto passé tout nu d' vant l écran, al' moro d' mindé d' dégager d' là , cha ché sur
donc ale a laissé s' carette sul' parking juste à coté
alors ch' matin ale print s' carette, pi ale arcule , ale intind crrrrrrr , ale s arrete , ale ravisse, ale éto in train d' emporter ch' fu tricolore ed chantier, ouais in ch' momint i font pas mal ed travaux par chi, que meme si té restes sul' route principale, d' ailleurs ché sin nom, l' rue principale, i zont pas été cacher bin loin pour trouver ch' nom, bin t' as interet à conduire comme si t' avo un quat quat
donc grand mère ale emmene ech' fu tricolore, ché zouvriers i zarriffent , ale déchint del carette, ale s' escuse, ché zouvriers i dissent ché nin graffe qui a des gins qui font expres ed les baler , ale armonte dins' carette , mais là impossipe à passer , bouchon
bin ouais , grand mère en buquant dinch' fu en arculant, ale la déréglé , donc i arreto pas d' clignoter et ché zouvriers i zarrivotent pas à l' armette comme i faut , donc des deux cotés deul rue i zont eu ch' fu clignotant en meme temps, tout l' monte i s' a ingagé , et chéto un sacré bordel et tout cha à cause deum' femme