ché bientôt l' premier mai
par minloute le, 28/04/2006il est revenu le temps du muguet, comme un viel ami retrouvé ........
chéto l' canchon qu' min père i canto toudis
i a eune paire ed mos , in a été au soixante ans d' mariache d' mon monnonque et d' mamatante
et min monnonque , i avo décidé d' canter des canchons qui ont jalonné s' vie, i a comminché par l' canchon qui canto am' tante quand qui s' sont connus, pi l' canchon qu' ché parints i cantotent , pi i a canté l' temps du muguet, enfin au début i a essayé , pasque l' émotion al' la pris , heureus'mint in' n a qui l' ont aidé
bin mi cha ma boul'versé , entre bio frères , alors qu' min père i éto décédé depuis tro ans , l' amitié , la vraie , cha a existé
alors mi l' premier mai , ché eune fête qu' am' plait beaucoup , d' abord ché en rapport avec l' canchon d' min père, et pi l'premier mai, ché la fete du traval, et min père i aimot l' traval ché vrai, pi d' in aut' coté , comme i éto syndicaliste, i avo l' respect des zouvriers et des luttes ouvrières