Les jardinsValenciennes en D1
par minloute le, 28/04/2006cham' f'ro plaiji si Valenciennes i armonto en d1
ché pas que j' éto pour ch' t équipe, nan, chéto eune équipe du nord, tout comme Lille , nous in éto pour Lens , mais vu c' qui zont mingé comme pain noir depuis l' sombe histoire ed match truqué avec Marsele, cha fait du bin d' les vire armonter la pente
pi mi aussi cha m' fait plaiji pour l' entraineur, pourtant mi j' su pour Marsele, escusez me, mais Antoine Kambouaré, i intraino Strasbourg i s' a fait viré, i arprint eune tchiote équipe , qui éto pas bin parti dinch' championnat et vla ti pas qui vont armonter en première division et que Strasbourg i va déchinte, la roue tourne vite ....
j' me souviens aussi quand qui avo les reportaches esportifs àl' télévision régionale, ché reporter chétot Wartel , dont l'fils j' cro i avo épousé l' championne ed saut en hauteur Marie Christine Debourse et surtout Jean Crinon, ah Jean Crinon, i vo plutot l allure d un garchon boucher que d un journaliste esportif, j' dis cha sans méchanc'té, et si y a quéqu un des' famile qui lit cha , ché vraimint amical, mi j l avo ker pasqu i éto pour valenciennes, v a qui dijo toudis , et in sintot dans l' temps des' voix qui éto pour eux , i a terminé s' carriere , i a habité Bruay et j' sais qui est décédé achteure mais vraimint Wartel et li j' les aimo bin pasqui zétotent chauvins pur ché clupes del région
