Kréma, Lutti, La Pie Qui Chante
par minloute le, 29/04/2006cha chéto réglo, min père i avo eune boite in fer qui éto sul' tchiote tape ed'vant la télé et d'dins i avo ché bonbons, ché chuques si vous préferez
mes préférés chéto le kréma batma, chéto un bonbon blanc et noir , avec del réglisse ed dins , i avo aussi l' kréma caramel, mais là ch' préféro l' lutti , pi i avo ché bonbons qu' in laisso fonte dinl' bouque alors là min préféré chéto un d' la pie qui chante
j'cro qu' in in mingeo plus qu' achteure , bon i a cor l' boite traditionnelle in fer avec ché bonbons anglais , ché vrai qu ' j in minche cor quand que j' armonte ché m'mère
par conte, y a eune paire d années, j' éto en région parisienne , i avo un chauffeur d' camions qui nous livro et qui v' no d' boulone, in auro dit ch' guss, tout aussi gentil, in cinsier mais qui avo du maux à viffe qu' avec cha alors i faiso l' chauffeur durant l' semaine
et in coup i m' a donné des chuques, d' ailleurs j' cro bin que chéto l' nom du bonbon, j' a cru m' artrouver eune paire d' années en arrière, chéto fabriqué à Cucq près d' Merlimont , et chéto un bonbon rustique, qui fallo que t' aille eune maronne bien solite pour l' supporter , et pourtant chéto par l' bouque que té l' avalo chéto nin un suppositoire mais vinguette i arracho
alors si vous avez l' occasion d' passer par Cucq ravisez si cha s' trouffe cor , s'rez pas déchu, par conte gorches sensipes , abstenez vous