Les jardinsch'nouvio tchien
par minloute le, 30/04/2006ch' nouvio tchien qu in a , i a fait du bin al' mason, bon ché tout tchiot un pintchere et cha fait du dégat oh milliard, faut pas laicher eune paire ed godasses quant té tin va , et i a eune passion ché l' toile cirée cor, là i y reste pu que pour mett' sur l' dessus del tappe , pu sur ché cotés, i a tout bouffé
mais faut dire , avant s' n arrivée, min cat espagnol, ouais ché un cat que m' femme ale a récupéré al' frontiere dans eune venta, ché magasins espagnols du que t acate tes cigarettes entre 1.3 euros et 2.8 euros ch' paquet , finqueux , faites ech calcul et vous pouvez braire
bon ch' cat espagnol que sin nom ché ulysse, i éto d'venu ch' coq del mason, i courso ch' tchien, i immerdo l aut' cat meme si is' prenno des dég'lées si vraimint i l imbéto d' trop , mais i éto d'venu sot, i cueurro partout ,i sautot partout , in diape à quat' pattes
ch' tchiot tchien i a arrivé , et là cha a cangé ché rapports inter ché bietes, ch' cat que j avo avant i est toudis resté un tchiot peu à part et i continue, par conte ch' cat espagnol, ché d'venu un tchien, i sont tros achteure , inséparrapes, i dorment insempe, i font des parties à trois, quand que j' rinte du boulot , i arriffent à tro , ché vraimint espécial , et ch' cat espagnol bin achteure i a fini d' faire ch' brindzingue à longueur ed journée
