chés sacs d' école
par Marie-Claire le, 07/05/2006ché vrai qu'in avot tous des sacs in cuir à peu près su l' même modèle avec deux compartiments et eune pochette ou deux d'vant
ch' qui lachot aussi souvint chétot chés fermetures clip in férale, j'sais pas commint in appelle cha, mais à forche d' tirer d'sus, in n'avot queque fos eune d'eune sorte et l'aute qui avot été rimplachée et chelle poignée aussi qui étot pus del meme couleur que ch'sac
et y a eune chosse aussi qui étot bin différinte ché qu'in prom'not pas autant d' liffes dins sin sac qu'achteure, in n'avot pas b'soin d'sacs à roulettes, qu'in crorot qui partent in vacances ou faire des courses, mais non ...
donc j' dijos qu'in prom'not pas autant d' liffes pour el bonne raison ché qui restotent à l'école dins sin casier et qu'in imm'not que c'qu'in avot b'soin l' soir pour faire ses devoirs, mi j'a connu cha jusqu'in troisième, chétot un tchtiot collège à Thérouanne et in cangeot pas d' classe, chétot comme in primaire