ches rideaux in capsules
par mistinguett' le, 07/05/2006L' sujet à Marie-Claire su ches rideaux in bouchons in plastique i m'a fait arpinser à ch' rideaux de m' grand-mère pour mucher l' montée d'escaliers.
Mais là, ch'étot pas des bouchons in plastique, ch'étot fait avec des capsules d' boutelle. J' sais pas d'ù qui les avotent trouvées, sûr' mint à mon d' chez ches boulistes. Alles étotent arpliées in deux su l' ficelle. I étot rud' mint lourd! L' souvenir que j' n'ai, ch'est l' bruit qui faisot, ch'étot même inne musique, cha faisot un tiot cliqu' tit, ch'étot agréape à intinte. Ch' qui l'étot moins, ch'est qu' timps in temps, in s' prenot ses caveux d' dins. Bon sang qu' cha tirot!